श्री काडसिद्धेश्वर हायस्कूल व जुनिअर कॉलेज, कणेरी येथे मंगेश चिवटे यांची प्रचारार्थ सदिच्छा भेट
कणेरी | प्रतिनिधी :
पुणे विभागीय शिक्षक मतदारसंघाचे उमेदवार श्री. मंगेश चिवटे यांनी प्रचारार्थ श्री काडसिद्धेश्वर हायस्कूल व जुनिअर कॉलेज, कणेरी, ता. करवीर, जि. कोल्हापूर येथे सदिच्छा भेट दिली.
यावेळी प्राचार्य श्री. विजय सरगर सर यांची भेट घेऊन शिक्षकांच्या विविध प्रश्नांवर, अडचणींवर तसेच शिक्षण क्षेत्रातील विविध विषयांवर सविस्तर चर्चा करण्यात आली.
श्री. मंगेश चिवटे यांनी मागील दोन वर्षांत शिक्षकांच्या विविध प्रश्नांसाठी व न्याय्य हक्कांसाठी केलेल्या उल्लेखनीय कार्याची माहिती दिली. तसेच शिक्षकांच्या प्रश्नांचा शासन दरबारी सातत्याने पाठपुरावा करून शिक्षण क्षेत्रासाठी सुरू असलेल्या कार्याची माहिती देत परिचय पत्रिकांचे वितरण केले.
यावेळी शिक्षकांनी त्यांच्या कार्याला सकारात्मक प्रतिसाद देत शिक्षकांच्या प्रश्नांसाठी ठामपणे उभे राहणाऱ्या नेतृत्वाला पाठिंबा देण्याचा विश्वास व्यक्त केला.